Mooie woorden (77)

-          Est doir abij gedoin mee die lieleke maniern.

-          We doen wulder niets verkierd. We geevn mallekoir een tote, en doirbij, da zeen gien lieleke maniern.

-          Goitet nog een beetse afstrijen, jogt?

-          Mee meenn anhouere doekik watakik wille. Tootn, lekkn, deugnietrije uitsteekn, al dadde wilt, moir gien lieleke maniern.

-          En mij in affrontn sturtn, ja.

-          Tsarloes, da zijde jong. Tes al dak ui kan zeggn. Kom ier gij, dak ui no een beeze geeve.

in het mooiste Nederlands:

-          Is 't daar bijna gedaan met die vuile manieren.

-          We doen niets verkeerds. We geven elkaar een kus. En dan nog, dat zijn geen vuile manieren.

-          Ga je 't nog een beetje ontkennen, ja?

-          Met mijn vrijer doe ik wat ik wil. Zoenen, likken, kwajongensstreken uithalen, al wat je maar wil, maar geen vuile manieren.

-          En mij voor schut zetten, ja.

-          Jaloers, dat ben je! Dat is alles wat ik hierop te zeggen heb. Kom hier, jij, dat ik je nog een zoen geef.

In de reeks ‘onwelriekende conversaties’, deze week:

-          Wa schilter, den?

-          Kwiere hieltegans oirdig.

-          Van wadde?

-          Tstinkt ier van tvoiderland wig, ij ee verzekerst zeen achterdeure oopngezet.

-          Wa wilde doirmee zeggn?

-          Ja, dat ie eu ee getrokkn, dat dondert in de broukstroite.

-          Ah, nui verstoik ui.

-          Achterwirs ommevalln, da zoete doirvan.

-          Tons moete wel iplettn dadde nie veur een duurieogge stoit. Da zoe uien besn dag nie zeen.