Mooie woorden (84)

-        Wa es da mee ui? Voeld ui ni goe?

-        Kzitte mee een brokke van ne ram.

-        Tes mier den dovr ip ui lijf woir dadde mee zit, meen gedacht.

-        Tes verzeekerst van altroisie.

-        Ier jonk, pakt ui een pieleke suiker, tzal almeenekier beetren.

-        Nienek jong, kgoi mij een beetse legn.

-        Ge kund uuk ni gielegodgansedogn in uien nest lign. Ke al genouft achternoirgeluup veur alles te reegleern.

is gelijk aan (of toch ongeveer):

-          Wat is dat met jou? Voel je je niet lekker?

-          Ik voel mij wat vermoeid.

-          't Zijn meer koude rillingen waar je mee zit, volgens mij.

-          't Is wellicht van ontsteltenis.

-          Hier, neem een klontje suiker, 't zal opeens verbeteren.

-          Nee gij, 'k ga wat neerliggen.

-          Je kan ook niet godganse dagen in je bed liggen. Ik heb al genoeg beslommeringen om alles te regelen.

In de reeks ‘zweet des aanschijns’, deze week:

-          Novenant dan der moir otoots stondn an de kirke, wast er nog wel volk in de messe.

-          Wast een noirmesse?

-          Nient, een begrovinge. Van dienn bouvre die hiel zeen leevn ee gewirkt gelijk een boerepird.

-          Woirvan estie duud meschienst?

-          Iest eetie een vallinge betroupt van zeen pird, tons est ie achterwirs omverre gevalln ip zeene riek en doir eet ie een atakske gad.

-          En eet lange geduurd?

-          Nient, ij wa direkt duud. Zuu ziere of telln.

-          Nie nie, kwille zeggn, ee de messe lange geduurd?

-          Joit zan, moir gelijk altijd liepn de mensn achter doffrande omtertsjiest noir buiten.