Mooie woorden (110)

-          Ke paseerde weke meen iesteleejn geplant.

-          En komn z’al uit?

-          Zijde zot? Da duurd altuupe een weke of viere ier dan ze ulder uufd boovn steekn. Iest anulln, tons wachtn…

-          En meugde ze tons al direct uit de grond oln?

-          Zijde hiel zot? Da duurt zeekr nog een weke of vijfe langer.

-          Zuu lange, tons goik liever noir de winkel achter meen petattn.

-          Ikke nie zan. Kete tog liever meen eign patatten: ves uit de grond, zonder sproeisel, recht ien de taluure.

-          Dedie van de winkel zeen uuk nie slecht.

-          Gekwiekt in woiter, vul mee sproeisel, zuu slap of een slunse? Ik wee wa kiezn zulle.

Geert (terug uit verlof):

-          'k Heb vorige week mijn plantaardappelen gepoot.

-          En? Komt er al iets boven de grond uitsteken?

-          Ben je gek? Dat duurt alles samen een week of vier vooraleer ze hun kopje boven de aarde steken. Eerst aarde ertegenaan harken, dan wachten...

-          En mag je ze dan al meteen uit de grond halen?

-          Ben je helemaal gek? Dat duurt op z'n minst nog een week of vijf langer.

-          Zo lang? Dan ga ik mijn aardappelen liever in de winkel halen.

-          Ik niet, hoor. 'k Eet toch liever mijn eigen aardappelen: vers uit de grond, ongesproeid, rechtstreeks op mijn bord.

-          Die uit de winkel zijn ook niet slecht.

-          Gekweekt in water, volop gesproeid, zo slap als een vod? Ik weet wat kiezen, hoor.

En dan toch eens een conversatie van mijn kant (Geert):

-          Oas ge nô inne kîr mee van dien bucht uitn dien zene lochtink noar uis durft kommn, krijde ne flittre.

-          Moar allei! Woarom zedde da nui?

-          De swies van Petegem ee mij verteld datie ne kîr dendeklokke moest luien en datie - oastie drachter were noar beneen kwam - zeen pieke nîmmre vond. Awel, achteraf enze ze were gevondn bij uin schûnn lochtinkmenirre. Seertien moek doar nîmmer van weetn.

-          Jommerja, ie steekt ij da în meen andn. Wa moeker anders mee doen? Ip de messing smijtn?

-          Mô ben nî, ge moet tgeweune nie anvirden. Zû simplest. En zoette mij nui grust willn loatn? En doe de blaffetuurn toe oasge tan toch noar buitn goat. Tes ier snikhît. 'k droai'abij van minne sies.

-          Kben al wig.