Mooie woorden (112)

-        Oas ge nô inne kîr mee van dien bucht uitn dien zene lochtink noar uis durft kommn, krijde ne flittre.

-        Moar allei! Woarom zedde da nui?

-        De swies van Petegem ee mij verteld datie ne kîr dendeklokke moest luien en datie - oastie drachter were noar beneen kwam - zeen pieke nîmmre vond. Awel, achteraf enze ze were gevondn bij uin schûnn lochtinkmenirre. Seertien moek doar nîmmer van weetn.

-        Jommerja, ie steekt ij da în meen andn. Wa moeker anders mee doen? Ip de messing smijtn?

-        Mô ben nî, ge moet tgeweune nie anvirden. Zû simplest. En zoette mij nui grust willn loatn? En doe de blaffetuurn toe oasge tan toch noar buitn goat. Tes ier snikhît. 'k droai'abij van minne sies.

-        Kben al wig.

in de vertaling van het huis:

-        Als je nog een keer met die rommel uit die gast zijn moestuin naar huis durft te komen, krijg je een oplawaai.

-        Toe maar, waarom zeg je dat nu?

-        De kerkhulp van Petegem heeft me verteld dat hij eens de klokken moest luiden en dat hij – als hij daarna terug beneden kwam – zijn kerkstok niet meer vond. Wel, nadien hebben ze die teruggevonden bij je mooie tuinman. Sindsdien moet ik er niet meer van hebben.

-        Ja maar, hij stopt dat zomaar in mijn handen. Wat moet ik er anders mee? Op de mestvaalt gooien?

-        Maar neen, je moet dat gewoon niet aannemen. Zo simpel is het. En zou je me nu gerust willen laten? En doe de luiken dicht als je dan toch naar buiten gaat. Het is hier snikheet. Ik val bijna van mijn sus.

-        Ik ben al weg.

In de reeks “tuinieren voor dummies” deze week:

-        Wa stoit er in uie lochtink?

-        Andzjeuns, sarlottn, wortels, petattn…

-        En dat doir? Dad es zeekr saloi?

-        Nient zan, tes andievie. En doir nog silder, preie, luuk en witluuf.

-        Ge zij ant zieveren zeekr?

-        En binnewadde goik uuk nog sloi zooien. Oist wa woirmer wordt. En een poir bietn veur meen koe. En hiel den annekiesnest.

-        Gien blomkuuln, ruukuuln, koerzettn of tomattn?

-        Zuu gruut es meene lochtink nui uuk nie. Meen koe moe uuk nog ploits en veur ges teetn.