Mooie woorden (114)

-         Wa stoit er in uie lochtink?

-         Andzjeuns, sarlottn, wortels, petattn…

-         En dat doir? Dad es zeekr saloi?

-         Nient zan, tes andievie. En doir nog silder, preie, luuk en witluuf.

-         Ge zij ant zieveren zeekr?

-         En binnewadde goik uuk nog sloi zooien. Oist wa woirmer wordt. En een poir bietn veur meen koe. En hiel den annekiesnest.

-         Gien blomkuuln, ruukuuln, koerzettn of tomattn?

-         Zuu gruut es meene lochtink nui uuk nie. Meen koe moe uuk nog ploits en veur ges teetn.

kan ook worden gelezen als:

-         Wat groeit er in je tuin?

-         Ajuinen, sjalotten, wortelen, aardappelen,...

-         En dat daar? Dat is waarschijnlijk sla?

-         Nee hoor. Dat is andijvie. En daar nog selder, prei, look en witlof.

-         Je maakt mij zeker blaasjes wijs?

-         En binnenkort ga ik ook nog sla zaaien. Als het wat warmer wordt. En een paar bieten voor mijn koe. En het hele huishouden.

-         Geen bloemkolen, rode kool, courgettes of tomaten?

-         Zo groot is mijn tuin nu ook niet. Mijn koe moet ook nog plaats hebben om gras te eten.

In de reeks “komen en gaan” deze week:

-         Al da volk in de messe. Waster iets te doen meschien?

-         Ba joit jong, meen meetse wierd begrovvn.

-         Wast een schuune messe?

-         Altijd tzelde jong, moir twa een schuun duuzantse.

-         Geboorn in neegntienonderd, duudgegoin in twieduustenvijve, zes reedlijk ou geworrn.

-         Jois, en zee in drij ieuwen geleefd.

-         Dad es wel special.

-         Joit, en ze kwamn van verre veur da zantse.

-         Tegewoordig verzomlen de mensn alles niwoir.

-         Ze zoender ui and veurn afbijtn, da zoenze.