Mooie woorden (126)

Zee een geboorteplekke ip irre knoesel en ze zit der vrie mee ien, want ze peist da ta lielek es en dasse azuu giene vent goi vindn. Eur moeder zei dasse eure knoesel zoe kunn amballeren, moir ze zei: amballeren, da toe kik nie, dad es veur kestkadootsies, en doirbij, ne gamballeerde knoesel, dad es nog lieleker dan een geboorteplekke. Kzal der een lakse ip plakkn, azuu kunn de mensn peizn dak mij zier gedoin e. En twie weekn loiter oise keure van wel tien ventn, an elke vinger ienn.

En gij nui!

In de reeks 'Geert probeert', (ongeveer) letterlijk te vertalen als:

Ze heeft een geboortevlek op haar enkel en ze maakt zich daar zorgen over, want ze denkt dat dat lelijk is en dat ze daarom geen man zal vinden. Haar moeder zei dat ze haar enkel zou kunnen inpakken, maar ze repliceerde: "Inpakken? Dat doe ik niet, dat is voor kerstgeschenkjes. En daarbij, een ingepakte enkel is nog lelijker dan een geboortevlek. 'k Zal er een pleister op kleven. Zo zullen de mensen denken dat ik me pijn heb gedaan."

En twee weken later had ze keuze uit wel tien kerels, aan elke vinger één.

Nu jij!

In de reeks ‘ziekenzorg’, deze week:

• Oooooh, kben zuu ziek, kgoi thuisblijvn vandogge.
• Edde gij kutsn, ventse?
• Kweet nie, moir ke wel een kutsebloize.
• Woire, woire?
• Iere, ip meen lippe. En toe zier.
• Kruipt tons moir ziere onder ui lokies en ui soirze, manneke. Kzal den dokteur belln.
• Jomoir, dad es nie nuudig, moedre. Oisek moir nie noir tschole moe goin.
• Wadde? Azuu zeeme nie getrouwd en ventse. Ois den dokteur nie moe kommn, zijde nie siek, en ois ge nie siek zijn, kunde noir tschole goin. Vala!